Mae’n daith gerdded rwydd, yn addas ar gyfer oedolion a phlant, a bydd yn gyfle i bobl weld hwyaid a rhydyddion y gaeaf ar hyd y lan ac ym mhyllau’r warchodfa.
Trefnwyd y digwyddiad ar y cyd rhwng Cynghorau Gwynedd a Chonwy.
Dywedodd Rhys Jones, Uwch Swyddog Bioamrywiaeth Cyngor Gwynedd: “Dyma gyfle gwych i fwynhau golygfeydd bendigedig yr ardal ac i ddysgu am fyd natur - oll yn rhad ac am ddim.
“Byddwn yn gofyn i bobl sy’n dymuno dod ar y daith gerdded i sicrhau eu bod yn gwisgo esgidiau priodol a dillad sy’n dal dŵr. Dewch ag ysbienddrych os oes gennych un.
“Mae croeso i bobl ddod a phecyn bwyd os ydynt eisiau. Mae gofyn i bawb gyfarfod ym maes parcio’r traeth, promenâd Llanfairfechan am 10.30am.”
Rhaid archebu eich lle, cysylltwch ag Alun Jones ar 01492 575200.
