Nod y wefan a’r llyfryn - sydd wedi eu cynhyrchu mewn partneriaeth rhwng Cyngor Gwynedd a Chyngor Bwrdeistref Sirol Conwy - ydi denu ymwelwyr am wyliau, gwyliau byr neu daith undydd i’r ardal.
Mae disgwyl y bydd o leiaf 100,000 o gopïau o’r llyfryn yn cael eu cynhyrchu a’u dosbarthu i ymwelwyr drwy farchnata yma a thramor, mewn sioeau teithio a gwyliau, gyda’r wefan – www.ymweldageryri.info wedi derbyn dros 680,000 o ymwelwyr ers ei lansio yn Medi 2009.
Dywedodd y Cynghorydd John Wynn Jones, Arweinydd Portffolio Economi a Chymuned Cyngor Gwynedd:
“Dyma gyfle gwych i fusnesau Gwynedd arddangos yr amrywiaeth o wasanaethau sydd ganddynt i’w gynnig i ymwelwyr i’r ardal.
“Bydd cwmnïau sy’n talu am hysbyseb yn y llyfryn yn cael arddangos eu manylion ar wefan Eryri Mynyddoedd a Môr yn rhad ac am ddim. Gyda 42,000 o ymwelwyr misol gobeithio felly y bydd busnesau Gwynedd yn cymryd mantais ar y cyfle marchnata yma i hyrwyddo Eryri fel cyrchfan dwristaidd boblogaidd.”
Mae dyddiad cau ar gyfer derbyn hysbysebion wedi’i ymestyn i 14 Hydref 2011.
Am ragor o wybodaeth, neu os oes gennych unrhyw ymholiadau, cysylltwch â Steven Jones o Adran Economi a Chymuned Cyngor Gwynedd ar (01286) 679217 neu e-bostiwch: stevenj@gwynedd.gov.uk gan ysgrifennu Llyfryn Eryri 2012 yn y blwch testun.
