Dywedodd Chris Wynne, Rheolwr Gyfarwyddwr Wynne Construction: “Rydym i gyd yn Wynne Construction yn falch iawn i fod yn gysylltiedig ag adeiladu Ysgol Yr Hendre a gobeithiaf y bydd sefydlu’r gronfa arian yma yn cyfrannu mewn ffordd bositif at fywyd cymunedol yr ardal.”
 
Ychwanegodd y Cynghorydd Dyfed Edwards, Arweinydd Cyngor Gwynedd: “Mae adeiladu’r Ysgol yr Hendre newydd yn ddatblygiad pwysig iawn i dref Caernarfon wrth gwrs. Fel Cyngor, rydym yn croesawu’r gronfa hon sydd wedi dod yn sgil y datblygiad - bydd yr arian hwn yn cynnig cyfle ardderchog i grwpiau yn yr ardal i ddatblygu prosiect er budd y gymuned leol.” 
 
Bydd Uned Adfywio Cyngor Gwynedd yn gweinyddu’r grant - derbynnir ceisiadau am symiau hyd at £500 gan bob grŵp. Ond rhaid brysio - y dyddiad cau ar gyfer derbyn ceisiadau i’r gronfa yw dydd Gwener, 9 Medi 2011.   
 
Os ydych am ffurflen gais, cysylltwch â Heather Williams, Cyngor Gwynedd, ar 01286 679 153 a heatherwilliams@gwynedd.gov.uk neu â Dafydd E. Jones, Swyddog Adfywio ar 01286 871 920 a dafyddeinionjones@gwynedd.gov.uk