Bydd yr ymgyrch yn gweld staff y Cyngor yn gweithio gyda swyddogion o Heddlu Gogledd Cymru. Mae’r ymgyrch yn dilyn digwyddiadau tebyg fu’n llwyddiant yn Abermaw, Caernarfon a Thywyn.

Bwriad y diwrnod yw codi ymwybyddiaeth am sut gall baw ci fod yn niweidiol i’r iechyd, a’i effaith ar gymdeithas. Bydd perchnogion cŵn yn cael eu hannog i fod yn gyfrifol a chlirio’r baw ar ôl eu hanifeiliaid wrth fynd am dro.

Bydd cyfle i’r cyhoedd dderbyn pecynnau rhad ac am ddim fydd yn eu helpu i lanhau ar ôl eu cŵn a bydd swyddogion ar gael i gynnig cyngor. Bydd arwyddion rhybudd newydd yn cael eu gosod hefyd ar y diwrnod.