Weithiau mae'n bosib y bydd gennych wastraff swmpus mawr, fel hen deledu, cadair, soffa neu rholyn carped. Ni ellir derbyn eitemau fel hyn yn y bin gwyrdd, nac ychwaith wrth ochr eich biniau sbwriel. Gelwir eitemau fel hyn yn eitemau swmpus.
Mae’n bosib trefnu casgliad gwastraff swmpus gyda'r Cyngor.
I wneud cais am gasgliad gwastraff swmpus ffoniwch 01766 771000.
Mae ffi o £16 am y gwasanaeth, a byddwn yn casglu hyd at 5 eitem swmpus yn y pris hwn. Nid oes cyfyngiad ar y nifer o geisiadau y gallwch eu gwneud mewn unrhyw gyfnod o amser, ond bydd ffi o £16 yn cael ei godi bob tro. Gallwch dalu'r ffi gyda cherdyn debyd dros y ffôn wrth drefnu eich casgliad, neu bydd yn bosib talu gyda siec neu archeb bost.
Nodwch: Ni allwn gasglu’r eitemau canlynol fel rhan o’r casgliad gwastraff swmpus:
- gwastraff adeiladwyr
- gwastraff gardd (rhowch hwn yn y bin brown neu ewch ag o i'ch canolfan ailgylchu leol)
- gwastraff tŷ dros ben (ewch â hwn i'ch canolfan ailgylchu leol)
- gwastraff clinigol (mae trefniant arbennig ar gyfer gwastraff clinigol - mae gwybodaeth ar gael yn y cwestiynau ac atebion gwastraff tŷ)
Cofiwch y gallwch fynd ag unrhyw eitemau mawr neu drydanol i'r canolfannau ailgylchu yn rhad ac am ddim.
