Adolygiad Strategol Maes Hamdden a Gweithgareddau Egnïol
Mae’r Cyngor wrthi’n cynnal adolygiad strategol o’r maes hamdden a gweithgareddau egnïol yng Ngwynedd. Byddwn yn ceisio bod yn llawer mwy eglur ynglŷn â’r hyn rydym am ei gyflawni a herio’r ffordd draddodiadol o wneud pethau.
Mae’n gyfle i ofyn:
- Beth ydi anghenion trigolion Gwynedd yn y maes yma?
- Beth yw ein nod ni yng Ngwynedd ar gyfer y maes?
- Sut allwn ni wneud y mwyaf o’r holl adnoddau sydd gennym yng Ngwynedd er mwyn cyrraedd y nod?
- Sut allwn ni sicrhau gwerth am arian i’r cyhoedd?
Beth yw’r nod?
“Bod byw bywyd egnïol, iach yn beth yn naturiol i bobl Gwynedd.”
- Normaleiddio ffordd iach o fyw
- Sicrhau cyfleoedd i bawb
- Cryfhau ein cymunedau
Casglu barn a gwybodaeth
Rydym wedi bod yn holi pobl a grwpiau ar draws y sir ynglŷn â’u diddordebau yn y maes, beth maent yn ei wneud ar hyn o bryd, beth sydd yn eu rhwystro, a beth fyddai’n helpu. Gwnaed hyn yn ystod yr haf drwy amryw o holiaduron a sesiynau trafod.
Rydym wedi dadansoddi’r holiaduron a gallwch ddarllen yr adroddiadau isod. Gallwch hefyd ddarllen adroddiad o’r sesiynau trafod:
Ymgynghori ar y ffordd ymlaen
Y cam nesaf oedd llunio dewisiadau ar sut y gellir datblygu’r ddarpariaeth hamdden i’r dyfodol, gan gynnwys ffyrdd o gydweithio ar draws y sectorau a gwneud y mwyaf o’r adnoddau sydd gennym.
Cynhaliwyd sesiynau trafod pellach ar hyn gyda staff gwasanaeth hamdden y Cyngor, trigolion, swyddogion o asiantaethau amrywiol a chynghorwyr ym mis Hydref/Tachwedd 2011.
Cliciwch isod i weld copi o’r adroddiadau:
Adroddiad llawn
Mae adroddiad llawn wedi ei baratoi sy’n ystyried yr holl wybodaeth a gasglwyd. Mae’r adroddiad yn awgrymu cyfeiriad clir er mwyn sicrhau darpariaeth addas i’r dyfodol, a bydd y cynigion yn cael eu trafod gan bwyllgorau’r Cyngor ym mis Tachwedd a Rhagfyr 2011.
Cyswllt
Sian Griffiths
Rheolwr Partneriaethu'n Fasnachol
Cyngor Gwynedd
01286 679267
sianwgriffiths@gwynedd.gov.uk
