Bydd Gwen Lasarus, Hyrwyddwr Llenyddiaeth Gwynedd, yn gweithredu fel llatai i gariadon Gwynedd a thu hwnt eto eleni.

Beth am anfon cerdyn neu e-gerdyn at eich cariad, wedi ei ddylunio’n arbennig gan yr artist Catrin Meirion ac englyn wedi ei ysgrifennu’n arbennig ar gyfer yr achlysur gan y Prifardd Myrddin ap Dafydd.

Dim ond 75 cerdyn sydd ar gael , felly y cyntaf i’r felin. Mae’r gwasanaeth hwn am ddim, diolch i gefnogaeth yr Academi a Chyngor Gwynedd.

Cefnogir Cynllun Hyrwyddo Llenyddiaeth Gwynedd ar y cyd rhwng yr Academi a Chyngor Gwynedd. Yr Academi yw'r Asiantaeth Genedlaethol er Hyrwyddo Llenyddiaeth a Chymdeithas Llenorion Cymru.

Am ragor o fanylion, cysylltwch â Gwen Lasarus, Hyrwyddwr Llenyddiaeth Gwynedd, Llyfrgell Caernarfon, Allt Pafiliwn, Caernarfon, Gwynedd LL55 1AS, ffoniwch 01286 679465, neu anfonwch e-bost: gwenlasarus@gwynedd.gov.uk