Mae rhan helaeth o Benrhyn Llŷn wedi ei ddynodi yn Ardal o Harddwch Naturiol Eithriadol (AHNE).  

Mae AHNE Llŷn yn un o bump ardal sydd wedi ei dynodi yng Nghymru. Y rhai eraill yw Penrhyn Gŵyr, Ynys Môn, Bryniau Clwyd, a Dyffryn Gwy.

Prif bwrpas dynodi ardal yn Ardal o Harddwch Naturiol Eithriadol yw gwarchod harddwch naturiol yr ardal, sy’n golygu: 

• amddiffyn bywyd gwyllt a phlanhigion
• gwarchod nodweddion daearegol a thirlun yr ardal
• gwarchod nodweddion archeolegol, olion hanesyddol a nodweddion pensaernïol.

Mae rheoli'r AHNE yn cynnwys pob agwedd o fywyd yn Llŷn, sy’n amrywio o gadwraeth bywyd gwyllt, twristiaeth, treftadaeth a chaniatâd cynllunio i enwi ond rhai.

Mae AHNE Llŷn hefyd yn gyfrifol am weinyddu’r Gronfa Datblygu Cynaliadwy.  Mae'r gronfa hon yn cynnig cymorth grant ar gyfer prosiectau amgylcheddol, economaidd a chymunedol arloesol sy'n datblygu a phrofi ffyrdd newydd o fyw yn fwy cynaliadwy o fewn yr AHNE.

Am fwy o wybodaeth ewch i wefan  yr AHNE: www.ahne-llyn-aonb.org