Coeden Gas gan Fwnci
Pinwydden Chile neu'r Goden Fwnci gan John Whitehead
Grŵp?
Planhigion – yn tyfu i fod yn goeden fawr.
Bythwyrdd neu Gollddail?
Bythwyrdd
A yw'n gynhenid i Brydain?
Nac ydi, mae'n dod o Dde America. Mae'r cnau yn rhan bwysig o ddiet traddodiadol pobl y Pehuenche yn Ne America!
Dail
Mae siâp y ddeilen fel triongl byr gyda phigyn miniog. Mae'r dail yn glòs iawn at ei gilydd ar eithafion y canghennau ac mewn patrwm taclus.
Blodau?
Nid oes ganddynt flodau go iawn. Mae'r conau brown/gwyrdd i'w gweld ar y goeden ym mis Gorffennaf. Mae conau gwryw a chonau benyw yn tyfu ar wahanol goed.
Peillio?
Gan y gwynt
Hadau / ffrwythau?
Mae'r conau peilliedig yn datblygu ac yn tyfu i fod yn gonau hadau pigog. Mae'r rhain yn cymryd dwy flynedd i aeddfedu ac i gynhyrchu cnau. Mae'r cnau yn disgyn oddi ar y goeden yn ystod Mawrth ac Ebrill.
Gwasgaru hadau?
Pobl, adar, gwiwerod, llygod a llygod y gwair.
Beth sy'n eu bwyta nhw?
Nid yw'r rhan fwyaf o anifeiliaid yn bwyta dail y coed am eu bod yn wydn. Bydd llygod, gwiwerod a moch daear yn bwyta'r hadau.
- Sylwadau am y dudalen hon ››
- Ebostiwch y dudalen hon at ffrind ››
- Diweddarwyd: 19/03/2009