Teulu'r Coed Conwydd
Dail Conwydden
Grŵp?
Planhigion – mae rhai ohonynt yn tyfu i fod yn goed mawr.
Bythwyrdd neu Gollddail?
Pob un, bron iawn, yn fythwyrdd.
A yw'n gynhenid i Brydain?
Mae rhai ohonynt yn gynhenid, ond nid yw hynny'n wir am y rhan fwyaf ohonynt.
Dail
Mae'r dail yn aml fel nodwyddau, fel y rhai a welwch chi ar goed Nadolig, ond gallant hefyd fod yn ‘gennog’ ac ar frigau tenau (e.e. y gedrwydden a'r gypreswydden). Mae gan y rhan fwyaf o'r dail arogl ffres "pinwydden" ond mae rhai ohonynt yn arogli fel tanjerîn neu lemwn.
Blodau?
Nid oes ganddynt flodau mewn gwirionedd. Mae conau gwryw a chonau benyw, sy'n eithaf bach ac yn wyrdd golau, i'w gweld ar y goeden tua Ebrill i Fai. Tuedda'r conau gwryw i fod ychydig yn fwy na'r conau benyw. Mae cymylau o baill melyn yn disgyn o'r conau gwryw aeddfed pan gaiff y canghennau eu hysgwyd ar ddiwrnodau sych a braf.
Peillio?
Gan y gwynt.
Hadau / ffrwythau?
Mae'r conau benyw bach yn datblygu i fod yn gonau hadau llawer mwy sy'n wyrdd neu'n frown. Mae'r broses hon, yn aml iawn, yn cymryd mwy nag un flwyddyn. Mae gan wahanol fathau o goed conwydd wahanol fathau o gonau hadau.
Gwasgaru hadau?
Pan mae'n aeddfed, mae'r côn hadau yn agor i ryddhau'r hadau. Mae gan rai o'r hadau adenydd bach i'w helpu i deithio ar y gwynt.
Beth sy'n eu bwyta nhw?
Dail – Rhai pryfed sydd wedi ymaddasu'n arbennig ond nid oes llawer ohonynt e.e. llau'r coed.
Hadau – Mae gwiwerod wrth eu boddau'n torri'r conau ar agor i fwyta'r hadau. Mae adar fel y titw penddu hefyd yn gallu cael yr hadau allan o'r conau agored.
Boncyff a changhennau – Mae rhai chwilod a'u cynrhon yn bwyta'r pren ac yn gwneud twnneli ynddo. Mae'n bosib y bydd cnocellau'r coed yn bwyta'r rhain.
- Sylwadau am y dudalen hon ››
- Ebostiwch y dudalen hon at ffrind ››
- Diweddarwyd: 30/10/2006