Gwyfynod

Gwyfyn

Grŵp: Pryfed

Ffeithiau ffynci:

• Mae gwyfynod yn bryfed sy'n gallu hedfan.  Mae ganddynt bedair adain, ac maen nhw'n debyg i loÿnnau byw.
• Yn wahanol i loÿnnau byw, mae'r rhan fwyaf o wyfynod yn effro yn ystod y nos.
• Nid ydynt mor lliwgar â gloÿnnau byw, ond mae gan rai ohonynt batrymau diddorol ar eu hadenydd 'pluog' a'u cyrff. 
• Mae eu lliwiau llwyd a brown yn ei gwneud yn anodd i'w hysglyfaethwyr eu gweld yn ystod y nos.
• Llygaid bach sydd gan wyfynod, ac ni allant weld yn dda iawn.  Maent yn defnyddio'u hantenae (teimlyddion) mawr i deimlo'u ffordd o gwmpas.
• Lindys yw gwyfynod ifanc ac maen nhw'n troi i fod yn wyfynod pan maent yn hŷn (fel gloÿnnau byw).

Beth maen nhw'n ei fwyta?
Mae'r rhan fwyaf o wyfynod yn yfed y neithdar o flodau sy'n arogli'n dda yn y nos.  Maent yn defnyddio eu tafod sydd fel gwelltyn hir i sipian yr hylif allan ohonynt.
Mae lindys yn bwyta amrywiaeth o blanhigion gwyrdd.

Beth sy'n eu bwyta nhw?
Ystlumod oherwydd eu bod hwythau allan yn ystod y nos hefyd. 
Mae rhai adar fel y robin goch yn bwyta gwyfynod hefyd os ydynt yn dod o hyd iddynt yn ystod y dydd.

• Pryf Glas
• Pryf Copyn
• Malwod a Gwlithenni
• Gwyfynod
• Neidr Filtroed
• Pryf Lludw
• Pryf Clustiau
• Neidr Gantroed
• Glöyn Byw
• Chwilen
• Gwenyn
• Morgrug