Chwilen
Chwilen
Grwp:
Pryfed
Ffeithiau ffynci:
- Mae sawl gwahanol math o chwilen yn byw ym Mharc Glynllifon e.e. Y fuwch goch gwta a'r chwilen ddaear fioled.
- Mae gan chwilod yn eu llawn dwf 6 o goesau ac antenae (teimlyddion) ar eu pennau. Mae rhai chwilod yn brathu hefyd!
- Mae gan chwilod gesys caled i warchod eu hadenydd eiddil sydd oddi tanynt. Gall y rhan fwyaf o chwilod hedfan ond mae'n well gan lawer ohonynt dreulio'u hamser ar y ddaear.
- Mae wyau chwilod yn deor i fod yn gynrhon tebyg i lindys cyn troi i fod yn chwilod llawn.
Cynefin:
Mae chwilod daear fioled yn cuddio dan foncyffion, cerrig a dail marw yn ystod y dydd ac yn hela creaduriaid bach yn ystod y nos.
Gellir dod o hyd i fuchod coch cwta ar ddail yn hela llau'r coed.
Beth maen nhw'n ei fwyta?
Mae rhai chwilod yn bwyta creaduriaid bach eraill ond mae eraill yn bwyta planhigion. Mae llawer o gynrhon chwilod yn bwyta pren marw.
Mae'r fuwch goch gwta yn hoffi bwyta llau'r coed. Mae chwilod daear fioled yn bwyta pryfed, pryfed cop, abwydod a phryfed lludw.
Beth sy'n eu bwyta nhw?
Rhai adar fel y fwyalchen a'r robin goch, draenogod, llygod coch ac ystlumod. Bydd cnocellau'r coed yn cynio i mewn i goed marw er mwyn dod o hyd i gynrhon chwilod. Mae ystlumod yn bwyta chwilod sy'n hedfan yn y nos.
- Sylwadau am y dudalen hon ››
- Ebostiwch y dudalen hon at ffrind ››
- Diweddarwyd: 21/07/2006