Llwynog
Llwynog
Grŵp: Mamaliaid
Ffeithiau Ffynci:
Hyd y Corff: 66 cm, Cynffon: 38 cm
Mae gan y llwynog lygaid melyn-oren, trwyn a chlustiau pigfain, cynffon drwchus, ffwr coch gyda bol gwyn. Mae'n edrych yn debyg i gi bach.
Mae llwynogod yn anifeiliaid clyfar. Maen nhw'n canfod pob math o ffyrdd o gael bwyd. Mewn coetiroedd, byddant yn bwyta anifeiliaid bach fel llygod, ond bydd ŵyn a ieir yn ysglyfaeth iddynt ar ffermydd. Weithiau, mae'n bosib eu gweld mewn trefi hefyd lle byddant yn bwyta llygod mawr a bwyd sy'n cael ei adael gan bobl anniben ar y stryd.
Os yw llwynogod yn cael gormod o fwyd, byddant yn ei gladdu o dan y ddaear i'w storio nes bod ei angen arnynt.
Mae llwynogod yn byw mewn grwpiau teuluol sy'n cynnwys gwryw, benyw a llwynogod ifanc. Cenawon yw'r enw ar lwynogod ifanc.
Yn ystod yr haf, bydd llwynogod yn defnyddio gwâl i guddio'u cenawon rhag ysglyfaethwyr. Gall llwynogod ddefnyddio ogof, hen dwnnel mochyn daear neu dwll o dan goeden fel gwâl. Os oes raid, ânt ati i dyrchu eu gwâl eu hunain. Ar adegau eraill o'r flwyddyn, ni fydd llwynogod yn defnyddio gwâl.
Beth maen nhw'n ei fwyta?
Anifeiliaid bach fel cwningod, llygod, llygod y gwair, abwydod, draenogod, anifeiliaid marw.
Mae llwynogod ifanc yn cael eu bwydo gyda phryfed genwair.
Beth sy'n eu bwyta nhw?
Nid yw llwynogod yn agored iawn i niwed gan ysglyfaethwyr ond mae'n bosib y bydd rhai adar ysglyfaethus yn cymryd llwynogod ifanc.
Pryd allaf i eu gweld?
Gydol y flwyddyn.
- Sylwadau am y dudalen hon ››
- Ebostiwch y dudalen hon at ffrind ››
- Diweddarwyd: 21/07/2006